-
Artigos recentes
Histórico
Categorías
Author Archives: olimpiadas populares galegas
A II ediçom das Olimpiadas Populares Galegas celebrarám-se em Ponte Vea (Teu) os dias 16 e 17 de Junho de 2012 .
Abrimos desde hoje e até o dia 30 de Maio o praço de inscriçom para as equipas que queirades participar nas II OPG organizadas este ano na pequena vila de Ponte Vea situada na paróquia de Reis, concelho de Teu, na comarca de Compostela.
A Vila Olímpica deste ano estará dividida entre as instalaçons desportivas do C.F. Praínha a 800 metros da vila e na zona à beira do rio Ulha conhecida como A Burga. Durante os dias 16 e 17 de Junho, estas duas áreas acolherám as atletas e as distintas provas desportivas que configurarám o II encontro olímpico dos movimentos sociais galegos.
As participantes nas Olimpiadas disporám de duches, serviços, zona de acampamento e avitualhamento. A organizaçom oferecerá a comida e ceia do sábado e o almorço e jantar do domingo a preços populares.
A respeito das provas desportivas este ano houvo umhas poucas modificaçons que som as seguintes: A prova de lançamento de peso foi suprimida. Na prova rainha, o triatlo cámbia-se de 1500 a 2500 metros a distáncia a superar pola atleta, ficando em 200 metros a nataçom e 10000 metros a bicicleta. Incrementa-se a prova de tiro de corda por equipas, e a prova da chave com umha adaptaçom das normas tradicionais da comarca compostelana.
Lembrade que para inscrever-vos tedes que seguir os seguintes passos:
1. Devedes preencher todos os campos do formulário (é um documento rtf que podedes preencher com qualquer editor de texto) indicando o nome da equipa, das e dos diferentes atletas que a componhem, e distribuindo estas e estes entre as distintas provas olímpicas. Nom é necessário participar em todas as provas para inscrever umha equipa olímpica (por exemplo, podedes inscrever umha equipa que participe só em umha ou duas provas), ainda que terá mais possibilidades de ganhar as Olimpiadas umha equipa que participe em todas as provas. Entre os membros da equipa, polo menos dous (se som mais, melhor) deverám colaborar com a organizaçom das olimpiadas participando na arbitragem de algumha prova. É importante atenderdes também as indicaçons que aparecem para cada prova sobre os limites de membros da equipa que se podem apresentar e a presença de mulheres.
O formulário pode-se descargar desde o seguinte espelho:
http://www.mediafire.com/?mfwmv7aazx74haj
2. Existe umha quota de participaçom nas Olimpiadas de 5 euros por atleta inscrit@. Para fazer efectiva a sua inscriçom, cada equipa deverá abonar esta quota num dos centros sociais colaboradores, e indicar no formulário de inscriçom onde é que a depositou. Os centros sociais onde podedes abonar as quotas de inscriçom som:
- Centro Social A Gentalha do Pichel (Compostela)
- Centro Social A Revolta (Vigo)
- Centro Social Sem um Cam (Ourense)
- Centro Social Madia Leva! (Lugo)
Se nom tendes forma de vos achegar por algumha destas cidades para fazer o pagamento, ponde-vos em contacto via e-mail com a organizaçom das olimpiadas (olimpiadaspopularesgalegas@gmail.com) para vos facilitar outra forma de fazê-lo. Em qualquer caso, a inscriçom dumha equipa nom será válida até nom serem abonadas as quotas de inscriçom.
3. Umha vez feito o anterior, simplesmente tendes que enviar o formulário preenchido ao endereço electrónico olimpiadaspopularesgalegas@gmail.com
Em breve disponibilizaremos, neste mesmo blogue os horários, as distintas atividades programadas, os regulamentos das novas provas e as distintas formas de chegar em transporte público.
Sem mais, desejar-vos um bom treinamento de cara a dar o melhor de nós mesmas no fim de semana do 16 e 17 de Junho.
Ai vam umhas fotos de como chegar desde Compostela:
Na categoría Sen clasificar
Leave a comment
Horários definitivos de Riba d’Ávia 2011
Publicamos a continuaçom os horários definitivos das diferentes próvas em que competirám as e os mais de 120 atletas inscrit@s para esta primeira ediçom das Olimpiadas Populares Galegas.
Sábado 21 de Maio
10:00 – Recepçom, entrega de dorsais e reuniom de organizaçom com as e os árbitros.
11:00 – Salto de Longitude
12:00 – Pentassalto
13:00 – Triatlo por relevos
15:30 – Tiro com Fisga
16:00 – Lançamento de peso
16:40 – Lançamento de sacho
18:00 – Bilharda
19:30 – Brilé
20:30 – Volei
Domingo 22 de Maio
10:00 – 100 metros
10:30 – Relevos 4×100 metros
11:30 – 5000 metros
12:30 – Luita Galega
16:00 – Cerimónia de entrega de prémios.
Como vedes os horários estám mui ajustados, polo que a organizaçom será extraordinariamente escrupulosa no seu cumprimento. As e os atletas que nom se apresentem no seu posto à hora de começo da prova, ficarám desqualificados.
Atletas e siareir@s… preparai-vos que o dia 21 está já à volta!
Na categoría Riva d'Avia 2011
Leave a comment
Regulamentos das provas e horários aproximados
Publicamos neste post os horários aproximados das provas em que competirám as equipas participantes na primeira ediçom das Olimpiadas Populares Galegas. Som aproximados, dado que a hora certa de cada prova nom poderá fixar-se até termos as inscriçons completas e saber, por tanto, quantas fasses eliminatórias haverá em cada prova.
Na elaboraçom definitiva dos horários, procurará-se sempre que for possível que nom coincidam distintas provas ao mesmo tempo. De terem que coincidir, procurará-se que a umha ou um atleta inscrit@ para duas provas que decorram ao mesmo tempo lhe seja possível participar em ambas.
Premendo no nome de cada prova, acede-se, ademais, ao posto correspondente com as indicaçons e o regulamento geral para cada prova. Lembramos-vos que para formalizar as inscriçom nas Olimpiadas é necessário cobrir e enviar o formulário, ademais de abonar a quota de inscriçom.
RIBA D’ÁVIA 2011 – HORÁRIOS APROXIMADOS
Sábado 21 de Maio – manhám
Sábado 21 de Maio – tarde
- Bilharda
- Volei
- Brilé
Domingo 22 de Maio - manhám
- 4×100 metros relevos (estafeta)
Domingo 22 de Maio – tarde
- Proclamaçom da equipa vencedora e cerimónia de entrega de prémios.
Na categoría Riva d'Avia 2011
Leave a comment
Salto de Lonxitude
Espazo da competición:
O espazo de competición constará de dúas partes, unha pista de aceleración e unha área de aterrizaxe, separadas por unha marca (liña de batida). A primeira será duns 30m, podéndose comezar a carreira dende o punto que consideremos máis adecuado dentro desta distancia. A segunda terá uns 7m. de distancia.
Procedemento:
O saltador iniciará a carreira dende o punto que considere máis adecuado da pista de aceleración unha vez que o árbitro indique a súa saída. Correrá en dirección á área de aterrizaxe executando a batida sen pisar alén liña de batida. Unha vez realizado o salto, o árbitro medira a distancia dende a liña de batida e a marca máis retrasada feita por calquera parte do corpo do atleta.
Realizaranse 3 saltos por competidor e contará aquel no que acade mellor marca.Se resulta un empate entre varios saltadores, clasificarase aquel que teña mellor 2º salto ou incluso 3º mellor salto no caso de que se tivese que volver a desempatar.
Considerase salto nulo:
- Inicia o salto pisando despois da liña de batida.
- Se o saltador realiza unha voltereta.
- Se supera 30seg. na realización do salto dende o sinal do árbitro.
- Se sae da área de aterrizaxe na realización do salto.
- Se realiza a carreira por fora da pista de aceleración.
Na categoría As provas
Leave a comment
Pentasalto
Espazo da competición:
O espazo de competición constará de dúas partes, unha pista de aceleración e unha área de saltos, separadas por unha liña de batida. A primeira será duns 30m, podéndose comezar a carreira dende o punto que se considere máis adecuado dentro desta distancia. A segunda terá unha lonxitude de 15-20m.
Procedemento:
O saltador iniciará a carreira dende o punto que considere máis adecuado da pista de aceleración unha vez que o árbitro indique a súa saída. Correrá en dirección á área de saltos executando 5 saltos seguidos alternando a perna de impulsión en cada un e recepcionando o último salto con ambas pernas. Unha vez realizado o salto, o árbitro medira a distancia dende o comezo da área de saltos ate a marca sinalada polo árbitro como última marca final.
Realizaranse 3 intentos por competidor e contará aquel no que acade mellor marca. Se resulta un empate entre varios saltadores, clasificarase aquel que teña 2ª mellor marca ou incluso 3ª mellor marca no caso de que se tivese que volver a desempatar.
Considerase salto nulo:
- Se inicia os saltos pisando despois da liña de batida.
- Se o saltador non alterna os pés en cada impulso.
- Se supera 30seg. na realización do salto dende o sinal do árbitro.
- Se sae da área de saltos.
- Se realiza a carreira por fora da pista de aceleración.
Na categoría As provas
Leave a comment
4×100 relevos (estafeta)
A prova consistirá numha corrida de 400 metros realizada por equipas de 4 atletas (nom podendo ser todos homens), cada umha ou cada um d@s quais correrá 100 metros. A primeira quenda de atletas começará a corrida ao sinal de saída, portando um testemunho (pau) que deverá passar à seguinte quenda de atletas, situada a 100 metros da primeira. Ganhará a prova a equipa que consiga que o seu testemunho percorra os 400 metros no menor tempo.
Serám motivos de desclassificaçom da prova:
- 3 saídas nulas (sair antes do sinal)
- Passar o testemunho fora da zona delimitada para isto.
- A queda ao chao do testemunho.
- Agarrar, golpear, empurrar, desequilibrar ou obstruir outr@ atleta de qualquer forma intencionada.
- Atalhar ou circular por fora do circuito marcado.
Horário aproximado da prova: domingo 22 de manhám
Na categoría As provas
1 Comentario
Tiro com fisga
Diana
Atoparase a unha distancia de 10m da zona de tiro. Dividirase en 4 circunferencias que delimitarán, da maior à mais pequena, áreas de 25, 50, 75 e 100 puntos, contando do exterior o interior respectivamente. As dimensións serán dun A0 (84 cm de ancho e 1m 18 cm de longo)
Fisga e munición
Tod@s os participantes competirám co mesmo tipo de fisga e lanzarán o mesmo tipo de pedras, cedidas unhas e outras pola organizacion.
Proba
Permitiranse 5 tiros, den ou non na diana. A puntuación final será a suma das veces que se de en diana cos puntos marcados na circunferecia. En caso de empate, pasará quen conseguise o tiro mais próximo ao centro da diana.
Horário aproximado da prova: sábado 21 pola tarde.
Na categoría As provas
1 Comentario
100 metros
A prova consistirá numha corrida de 100 metros, através dum circuito devidamente sinalizado. Somarám um ponto para a classificaçom geral da sua equipa a primeira mulher e mais o primeiro home que atinxam a meta na fase final.
Serám motivos de desclassificaçom da prova:
- 3 saídas nulas (sair antes do sinal)
- Agarrar, golpear, empurrar, desequilibrar ou obstruir outr@ atleta de qualquer forma intencionada.
- Atalhar ou circular por fora do circuito marcado.
Horário aproximado da prova: domingo 22 de manhám
Na categoría As provas
2 Comentarios
5000 metros
A prova consistirá numha corrida de 5000 metros, através dum circuito devidamente sinalizado. Somarám um ponto para a classificaçom geral da sua equipa a primeira mulher e mais o primeiro home que atinxam a meta.
Serám motivos de desclassificaçom da prova:
- 3 saídas nulas (sair antes do sinal)
- Agarrar, golpear, empurrar, desequilibrar ou obstruir outr@ atleta de qualquer forma intencionada.
- Atalhar ou circular por fora do circuito marcado.
Horário aproximado da prova: domingo 22 de manhám
Na categoría As provas
Leave a comment
Triatlom por relevos
Participaçom:
Cada associaçom poderá apresentar umha única equipa composta por três atletas, entre as que haverá como mínimo umha mulher. A prova realizará-se por relevos, desenvolvendo cada umha das três provas (atletismo, nataçom e ciclismo) um componente da equipa.
Os relevos e a equipa ganhadora:
Delimitarám-se umhas zonas, delimitadas por duas linhas separadas 2 m, entre as quais as e os atletas deverám esperar o relevo dos seus companheiros: estas zonas denominam-se postos de espera. O relevo passará-se de um participante a outro na forma dumha pulseira, coa que partirám posta as e os corredores na primeira prova. Os outros membros da equipa nom poderám sair dos seus postos de espera até terem colocada a pulseira no pulso. Assim mesmo, os atletas nom poderám quitar a pulseira que levam para dar-lha aos seus companheiros até chegar ao posto de espera destes. Suporám penalizaçons de 10 segundos, acumuláveis entre sim:
- Chegar ao posto de espera com a pulseira fora do pulso.
- Sair do posto de espera coa pulseira fora do pulso.
- Que o ou a atleta que espera saque a mao fora dos limites do posto de espara antes de receber a pulseira.
Ganhará a equipa que, umha vez aplicadas as penalizaçons se as houver, realice o conjunto da prova no menor tempo. Polo seu carácter complexo e completo, a ganhadora ou ganhador desta prova somará dou pontos na classificaçom geral.
As provas:
A competiçom estará composta por três provas, nesta ordem:
a) Atletismo: 1500 metros
(Nesta prova será aplicado o regulamento da prova de 5000 m)
b) Nataçom: 200 metros Nadará-se no rio Ávia, na praia fluviar da Veronça, numha zona encorada e sem corrente. Ainda que se vai sol a água nom tem por que estar excessivamente fria, será permitido que as e os nadadores utilizem fatos de neopreno ou vaselina para cobrir o corpo. Também se poderám empregar óculos e gorro de nataçom. Nom estará permitida, porém, a utilizaçom de aletas ou qualquer outro acessório que suponha umha vantagem na nataçom ou no buceo. As zona de espera estará situada fora da agua, ao igual que a da prova de ciclismo, com o que as nadadoras e nadadores deverám entrar e sair da agua correndo.
c) Ciclismo: 10 km.
As e os cilcistas poderám aguardar na sua zona de espera sobre as bicicletas, mas nom poderám sair até ter correctamente posta a pulseira. Será obrigatório o uso de casco. O percurso transcorrerá principalmente por vias asfaltadas, mas nom se descarta a possibilidade de que nalgumha parte do trajecto o firme seja de terra, polo que nom se recomenda a utilizaçom de bicicletas com rodas excessivamente finas (menos de 23 mm).
Horário aproximado da prova: domingo 22 às 12:00.
Na categoría As provas
1 Comentario