REGULAMENTO DAS PROVAS OLÍMPICAS

Aproxima-se o último dia de prazo para a inscriçom das candidaturas! Bem sabemos que por todo o País há reunions, discussons, negociaçons, fichagens milionárias de última hora… mas lembrai-vos de enviar a ficha ao correio olimpiadaspopularesgalegas@gmail.com antes do 1 de setembro!

Para que tenhades mais dados à hora de distribuir as atletas em cada competiçom, divulgamos já o Regulamento das Provas deste ano, incluindo as novidades olímpicas. Também tornamos público o novo sistema de pontuaçom, pensado para fomentar a participaçom e dar algo de alegria às equipas, evitando que voltem às suas localidades com as maos baleiras. Neste ano temos um prémio à participaçom de um ponto em cada prova, e com pontuaçons para os quatro primeiros postos (10, 8, 6 e 4 pontos, em geral, com o duplo de pontos na prova de triatlo).

Provas O Rosal 2014

Noutra ordem de cousas, o Comité Olímpico decidiu ofertar a elaboraçom e distribuiçom das comidas do sábado e domingo, e a ceia do sábado, às organizaçons que estejam interessadas. As condiçons som as seguintes: que se oferte um menu vegano, e que o preço seja de 5€. O arrecadado ficará integralmente para as organizaçons que se ocupem desta tarefa. As organizaçons que estejam interessadas nesta oferta devem enviar umha mensagem ao correio antedito antes do 1 de setembro. O Comité Olímpico informará às três escolhidas o antes possível.

Continuaremos a informar dos preparativos para as Olimpíadas Populares Galegas.

Toda a malta a treinar, que chegam as OPG!

Esta entrada foi publicada en Sen clasificar. Garda a ligazón permanente.