OPG 2013: Alhariz

Um ano mais chegam Olimpíadas Populares Galegas. Desde hoje e até o dia 17 de Setembro poderam anotar-se as equipas que vaiam participar na que é já a 3ª ediçom deste encontro desportivo nacional, que se celebrará os dias 28 e 29 de Setembro.

Qual será a Vila Olímpica 2013?

A zona do polidesportivo de Vila Nova, em Alhariz, será a vila olímpica escolhida para as as diferentes provas que conformaram as que som as olimpíadas dos movimentos sociais galegos. As pessoas participantes nas Olímpiadas disporám de duches, serviços e zona de acampamento.

A área de Vila Nova situa-se na parte baixa da vila de Alhariz, à beira do rio Arnoia. Para chegar há que colher um pequeno cruze desde a N-525, polo Caminho Velho de Roiriz. Para quem venha desde Ourense pola auto-estrada, deverá colher a saída de Alhariz e logo seguir adiante na primeira rotunda de entrada desde a N-525. Um pouco mais adiante, em fronte ao polígono industrial, colheremos este caminho que nos levará até a vila olímpica. As imagens de abaixo poderam ser de ajuda para chegar.


Ver mapa más grande

Como se participa nas Olimpíadas Populares?

 As Olimpíadas Populares Galegas estam dirigidas a todos aqueles Centros Sociais, associaçons populares e organizaçons sociais da Galiza que desejem participar. As inscriçons realizaram-se até o 17 de Setembro via correio electrónico ao endereço olimpiadaspopularesgalegas@gmail.com, a través do formulário que se pode descarregar neste web. Para poder participar nas Olimpiadas nom é precisso que umha associaçom  apresente atletas e/ou equipas a todas as provas. Umha mesma atleta nom poderá competir na mesma ediçom das Olimpíadas representando a duas associaçons diferentes.

Que provas há nas Olimpiadas Populares?

 As provas nas que competirám as equipas participantes na ediçom de 2013 das Olimpiadas Populares Galegas som:

– 100 metros lisos
– 5000 metros lisos
– 4×100 relevos (estafeta)
– arrebolamento de sacho
– tiro de corda
– salto de longitude
– pentasalto
– luita
– bilharda

– brilé
– voleibol
– tiro com fisga
– triatlom por relevos

Nas provas de 100 m, 5000 m, lançamento de sacho e saltos declarara-se um ganhador masculino e umha ganhadora feminina. Na prova de luita, estabeleceram-se três categorias (<60 kg / 60-80 kg / >80 kg) e declarara-se um ganhador ou ganhadora de cada umha. Nas provas em que se compita por equipas (4×100 m, brilé, voleibol e triatlom por relevos), estas deverám ter mulheres atletas (nom se admitirám equipas formadas unicamente por homes).

Cada campeom ou campeá de cada prova e categoria somará dous pontos para a sua equipa. A segunda clasificada conseguirá um ponto para a súa equipa. Será proclamada ganhadora das Olimpiadas Populares a equipa que mais pontos some.

Como inscrever-se nas OPG2013?

1. Devedes preencher todos os campos do formulário (é um documento rtf que podedes preencher com qualquer editor de texto) indicando o nome da equipa, das e dos diferentes atletas que a componhem, e distribuindo estas e estes entre as distintas provas olímpicas. Nom é necessário participar em todas as provas para inscrever umha equipa olímpica (por exemplo, podedes inscrever umha equipa que participe só em umha ou duas provas), ainda que terá mais possibilidades de ganhar as Olimpíadas umha equipa que participe em todas as provas. Entre os membros da equipa, polo menos dous (se som mais, melhor) deverám colaborar com a organizaçom das olimpiadas participando na arbitragem de algumha prova. É importante atenderdes também as indicaçons que aparecem para cada prova sobre os limites de membros da equipa que se podem apresentar e a presença de mulheres.
O formulário pode-se descarregar aqui.

2. Existe umha quota de participaçom nas Olimpíadas de 5 euros por atleta inscrit@. Para fazer efectiva a sua inscriçom, cada equipa deverá abonar esta quota num dos centros sociais colaboradores, e indicar no formulário de inscriçom onde é que a depositou. Os centros sociais onde podedes abonar as quotas de inscriçom som:
– Centro Social A Gentalha do Pichel (Compostela)
– Centro Social A Revolta (Vigo)
– Centro Social Sem um Cam (Ourense)
– Centro Social Madia Leva! (Lugo)

Se nom tendes forma de vos achegar por algumha destas cidades para fazer o pagamento, ponde-vos em contacto via e-mail com a organizaçom das olimpíadas (olimpiadaspopularesgalegas@gmail.com) para vos facilitar outra forma de fazê-lo. Em qualquer caso, a inscriçom dumha equipa nom será válida até nom serem abonadas as quotas de inscriçom.

3. Umha vez feito o anterior, simplesmente tendes que enviar o formulário preenchido ao endereço electrónico olimpiadaspopularesgalegas@gmail.com. O praço estará aberto até o 17 de Setembro.

Em breve disponibilizaremos, neste mesmo blogue os horários, as distintas actividades programadas, os regulamentos das novas provas e as distintas formas de chegar em transporte público.

Esta entrada foi publicada en Alhariz 2013. Garda a ligazón permanente.