Informaçom e Horários definitivos de Ponte Vea 2012

Finalmente 17 equipas luitarám polo troféu em Ponte Vea nesta II ediçom das Olimpiadas Populares Galegas.

Este ano seremos 196 atletas competindo nas 14 disciplinas polo valioso troféu em possessom de Siareiras Galegas.

Esta é a relaçom de EQUIPAS que participarám em Ponte Vea 2012:

  • AGRUPAÇOM DE MONTANHA ÁGUAS LIMPAS (AMAL). Nacional.
  • C.S. AGUILHOAR. Límia.
  • C.S. ARREDISTA. Compostela.
  • AS DUAS SOC. COOP. – DISIDENTES DE FERROL. Compostela – Ferrol.
  • ASSOCIACIÓN DE XOGOS TRADICIONAIS DE COMPOSTELA. Compostela.
  • CONFEDERACIÓN NACIONAL DO TRABALHO (CNT) – COMPOSTELA . Compostela.
  • C.S. OKUPADO CASA DO VENTO. Compostela.
  • L.S. FAÍSCA. Vigo.
  • O FERVEDOIRO. O Banho. Cuntis.
  • A.C. FUNGOS VERMELHOS. Compostela.
  • GENTALHA DO PICHEL. Compostela.
  • HORTA DE SAM PEDRO. Compostela.
  • KURMANDINHAS. Compostela.
  • C.S. MADIA LEVA! Lugo.
  • C.S. A REVOLTA. Vigo.
  • C.S. SEM UM CAM. Ourense.
  • SIAREIRAS GALEGAS. Nacional.

HORÁRIOS:

Devido a enorme afluência de atletas tivemos que modificar um bocado os horários e ampliar o tempo de competiçom ao domingo pola tarde. Desculpai as possíveis desestruturaçons das equipas, mas é que preferimos isso e que podam participar todas as equipas apresentadas. Exigiremos ESCRUPULOSA PONTUALIDADE à hora do começo das provas de maneira que as atletas que nom cheguem à hora ficarám desqualificadas. Este será o horário definitivo:

Sábado 16 Junho:

  • Inauguraçom: 9 – 9:30 h.
  • Reparto dorsais: 9:30 – 10:00 h.
  • Salto de Longitude: 10:00 – 11:30 h.
  • Pentasalto: 10:00 – 11:30 h.
  • Triatlo: 11:30 – 13:00 h.
  • Tiro com Fisga:  13:00 – 14:00 h.
  • Jantar: 14:00 – 15:30 h.
  • Bilharda: 15:30 – 17 h.
  • Voleibol: 17:00 – 18:30 h.
  • Tiro de Sacho: 18:30 – 20:00 h.
  • 100 metros: 20:00 – 21:00 h.
  • 4 x 100 metros: 21:00 – 22:00 h.
  • Ceia: 22:00 h.
  • Foliada e convívio

Domingo 17 de Junho:

  • Erguer-se e almorço: 9 – 10 h.
  • Tiro de Corda: 10 – 10:45 h.
  • Chave: 10 – 11:30 h.
  • 5000: 11:30 – 12:30 h.
  • Luita Galega: 12:30 – 14:00 h.
  • Jantar: 14:00 – 15:30 h.
  • Brilé: 16:00 – 17:30 h.
  • Ato feche: 17:30 h.

ATO DE INAUGURAÇOM:

O ato inaugural das II OPG consistirá em levar um facho acceso desde a cercana vila d´A Ramalhosa até a própria Ponte Vea. Levará-se correndo pola estrada numha carreira de relevos entre diferentes equipas de Compostela, comarca que acolhe as Olimpiadas. Rematará ao pé da ponte romana que cruza o rio Ulha no lado do concelho da Estrada no que se pronunciarám as arengas inaugurais.

REPARTO DE DORSAIS:

Despois do ato de inauguraçom deslocaremo-nos andando cara a zona ao carom do rio conhecida como A Burga onde está a zona de acampada e se desenvolverám as duas primeiras provas. Lá várias pessoas serám encarregadas dos repartos de dorsais. Para o que é necessário que 1 ou 2 pessoas de cada equipa confirmem à assistência de todas as suas companheiras e RECOLHAM e REPARTAM os dorsais das suas respeitivas equipas. Tamém será o momento de comunicar qualquer cámbio de atletas (sempre com a justicaçom apropiada), ao que se lhe assignará um dorsal.

NOM SE PERMITIRÁ DE NINGUMHA MANEIRA PARTICIPAR EM PROVA ALGUMHA A NINGUÉM QUE NOM LEVE O SEU DORSAL À VISTA, QUE NOM TENHA DORSAL OU TENHA UM QUE NOM SEJA O SEU.

AS ZONAS DA COMPETIÇOM:

Existem duas zonas donde se desenvolverám as provas olímpicas.

A Burga (ver mapa). Onde estará a zona de acampada livre e na que se desenvolverám as seguintes provas: Salto de Longitude, Pentasalto e Triatlo o sábado e Tiro de Corda, Chave, 5000 metros , Luita Galega e Brilé o domingo. Salvo Triatlo e 5000 metros cujos percorridos diponibiliçarám-se em breve, o resto destas provas disputarám-se sobre herva.

O campo de terra do CF Praínha (ver mapa). Onde se desenvolverám Tiro com Fisga, Bilharda, Voleibol, Tiro de Sacho, 100 metros e 4 x 100 metros o sábado

A ZONA DE ACAMPADA E INSTALAÇONS:

A zona de acampada é umha leira grande com arvores na que se pode instalar a tenda. Teremos água luz e carpa grande. O jantar do Domingo e o ato de feche serám em este lugar. As duchas estám ao carom do campo de terra do CF Praínha, concretamente dentro do campo de herva e estarám abertas os dous dias para quem quera utilizá-las.


Ver II Olimpiadas Populares Galegas

ATO FINAL:

O ato de feche do evento consistirá no reparto dos prémios por participar e que receberám todas as atletas, os Diplomas as vencedoras de cada prova e o trofeu das OPG à equipa ganhadora. Depois virám as arengas finais, e rematará com a entonaçom do nosso Hino Nacional.

COMIDAS SOLIDÁRIAS:

O Comité Olímpico encarregará-se do almorço do Domingo no que haverá café, infussons, leite (de vaca e de soja), bolachas e frutas. Tamém nos correponderá proporcionar bebidas e frutas às atletas durante todo o fim de semana.

Os jantares do Sábado e do Domingo e a ceia do Sábado serám por organizados coletivos sociais e populares de base e custarám 5 euros sendo o dinheiro recaudado para apoiar a estes coletivos:

O jantar do Sábado correrá a cargo de Semente, escola de ensino galego, projeto educativo autogerido e galego impulsionado pola Gentalha do Pichel.

Mais informaçom: http://www.sementecompostela.com

A ceia do Sábado correrá a cargo de Ceivar, Organismo Popular Anti-repressivo, organizaçom encarregada de dar apoio solidário e soporte jurídico às pessoas repressaliadas por questons políticas, incluidas as presas independentistas.

Mais informaçom: http://www.ceivar.org

O jantar do Domingo correrá a cargo das Represaliadas pola Okupaçom da Sala Iago em Compostela, pendentes de juízo após o seu despejo em Novembro do ano passado.

No caso de querer jantar ou cear pregamos que vos apontedes o antes possível deixando os vossos nomes e contatos no correio: olimpiadaspopularesgalegas@gmail.com

Preme cá para:
REGULAMENTOS E PONTUAÇONS

Esta entrada foi publicada en Ponte Vea 2012. Garda a ligazón permanente.