Salto de Longitude

_MG_8073

Espaço da competiçom:

O espaço de competiçom constará de duas partes, umha pista de aceleraçom e umha área de aterrizagem, separadas por umha marca (linha de batida). A primeira será duns 30m, podendo-se começar a carreira desde o ponto que consideremos mais adequado dentro desta distância. A segunda terá uns 7m. de distância.

Procedimento:

A saltadora iniciará a carreira desde o punto que considere mais adequado da pista de aceleraçom umha vez que o árbitro indique a sua saída. Correrá em direçom à área de aterrizagem executando a batida sem pisar além da linha de batida. Unha vez realizado o salto, o árbitro medirá a distância desde a linha de batida e a marca mais atrasada feita por qualquer parte do corpo da atleta.

Realizarám-se 3 saltos por competidora e contará aquele no que acade melhor marca. Se resulta um empate entre várias saltadoras, classificará-se aquela que tenha melhor 2º salto ou mesmo 3º melhor salto no caso de que se tivesse que volver a desempatar.

Considera-se salto nulo:

  • Iniciar o salto pisando depois da linha de batida.
  • Realizar umha cambalhota.
  • Superar 30 segundos na realizaçom do salto desde o sinal da árbitro.
  • Sair-se da área de aterrizagem na realizaçom do salto.
  • Realizar a carreira por fora da pista de aceleraçom.

Pontos para a classificaçom geral: 6 pontos.

  • Mulher campeá: 2 pontos.
  • Mulher vice-campeá: 1 ponto.
  • Home campeom: 2 pontos.
  • Home vice-campeom: 1 ponto.
Esta entrada foi publicada en As provas. Garda a ligazón permanente.