O trofeu das Olimpiadas Populares Galegas

Já temos Trofeu para a ganhadora ou ganhador das Olimpiadas Populares Galegas. Vem de sair do obradoiro da artista compostelá Patrícia Soares Saiáns, e é umha escultura em pedra policromada com o símbolo das OPG. Desde o 22 de Maio, o trofeu estará em possessom daquela equipa que resulte vencedora global das Olimpiadas.

Para determinar a associaçom vencedora, em cada umha das 13 provas (e em cada umha das categorias existentes) pontuarám-se respectivamente com 3, 2 e 1 ponto os postos 1º, 2º e 3º. Assm, a equipa que ao final contabilice mais pontos, será a equipa vencedora das Olimpiadas Populares. Ademais, as vencedoras ou vencedores de algumhas provas concretas terám um prémio a maiores: é o caso, por exemplo, dos dous primeiros classificados na prova de bilharda, que ficarám directamente classificados para o Play Off Nacional da LNB.

Mas o trofeu das Olimpiadas nom ficará em propriedade da equipa/associaçom vencedora. Esta guardará e exibirá o trofeu até a seguinte ediçom das OPG, onde deverá defende-lo numha nova competiçom. Assim, esta escultura será o símbolo do liderado desportivo que, até umha nova celebraçom das Olimpiadas Populares Galegas, detentará a equipa vencedora na ediçom anterior.

Quentai motores, equipas! Que ai vem o Maio!!

Esta entrada foi publicada en Sen clasificar. Garda a ligazón permanente.