Já podedes inscrever-vos nas Olimpiadas Populares 2011

Já está aberto o prazo de Inscriçons para as Olimpiadas Populares deste ano. Podedes anotar as vossas equipas até o 1 de Maio!!!

Quem pode participar?
Pode apresentar umha equipa olímpica qualquer centro social, associaçom ou organizaçom popular galega. Isso sim, um mesm@ atleta nom pode participar em várias equipas distintas.

Como inscrever-se?
Os passos para inscrever umha equipa nas Olimpiadas Populares som singelos, olha:

1. Devedes descargar o formulário de inscriçom, e preencher todos os campos (é um documento rtf que podedes  preencher com qualquer editor de texto) indicando o nome da equipa, das e dos diferentes atletas que a componhem, e distribuindo estas e estes entre as distintas provas olímpicas. Nom é necessário participar em todas as provas para inscrever umha equipa olímpica (por exemplo, podedes inscrever umha equipa que participe só em umha ou duas provas), ainda que terá mais possibilidades de ganhar as Olimpiadas umha equipa que participe em todas as provas. Entre os membros da equipa, polo menos um (se som mais, melhor) deverá colaborar coa organizaçom das olimpiadas participando na arbitragem de algumha prova. É importante atenderdes também as indicaçons que aparecem para cada prova sobre os limites de membros da equipa que se podem apresentar e a presença de mulheres.
O formulário pode-se descargar desde os seguintes espelhos:
http://www.megaupload.com/?d=TLYUVU1V
http://www.mediafire.com/?pqz615497a2l9dl
http://www.sendspace.com/file/bx3lbz

2. Existe umha quota de participaçom nas Olimpiadas de 5 euros por atleta inscrit@. Para fazer efectiva a sua inscriçom, cada equipa deverá abonar esta quota num dos centros sociais colaboradores, e indicar no formulário de inscriçom onde é que a depositou. Os centros sociais onde podedes abonar as quotas de inscriçom som:
– Centro Social A Gentalha do Pichel (Compostela)
– Centro Social A Revolta (Vigo)
– Centro Social Sem um Cam (Ourense)
– Centro Social Madia Leva! (Lugo)
– Centro Social Atreu! (Corunha)

Se nom tendes forma de vos achegar por algumha destas cidades para fazer o pagamento, ponde-vos em contacto via e-mail coa organizaçom das olimpiadas (olimpiadaspopularesgalegas@gmail.com) para vos facilitar outra forma de fazê-lo. Em qualquer caso, a inscriçom dumha equipa nom será válida até nom serem abonadas as quotas de inscriçom.

3. Umha vez feito o anterior, simplesmente tendes que enviar o formulário preenchido ao endereço electrónico olimpiadaspopularesgalegas@gmail.com

Simples, verdade? Entom, a que estades esperando para inscrever a vossa equipa? Reunide a vossa associaçom, escolhede as provas nas que queredes participar e anotei-vos antes do 1 de Maio!!

Esta entrada foi publicada en Riva d'Avia 2011, Sen clasificar. Garda a ligazón permanente.

Unha resposta a Já podedes inscrever-vos nas Olimpiadas Populares 2011

  1. Pingback: Regulamentos das provas e horários aproximados | Olimpiadas Populares Galegas

Os comentarios están pechados.