A Veronza Nova será a nossa pequena Vila Olímpica

A área recriativa da Veronza Nova, em Riba d’Avia, será a nossa particular Vila Olímpica durante a celebraçom das Olimpiadas Populares 2011. Durante os dias 21 e 22 de Maio, esta excepcional área, à beira do Avia, acolherá as distintas provas desportivas que configurarám o encontro olímpico dos movimentos sociais galegos.
As e os participantes nas Olimpiadas disporám de duches, serviços, zona de acampamento e avitualhamento. Ademais, o programa das Olimpiadas incluirá umha ceia e umha foliada na noite do sábado para o domingo. Em qualquer caso, o calendário concreto das actividades publicará-se neste mesmo blogue a partir do 1 de Maio.
A área da Veronza Nova nom tem perda. Desde Riba d’Avia, siplesmente há que remontar o curso do Ávia pola sua margem esquerda um quilómetro escasso. Para quem vaia pola auto-estrada A-52, a área fluvial fica exactamente baixo o viaduto que atravessa o Ávia. E, se nom vos fica claro assim, as seguintes imagens ajudarám-vos a chegar…

Esta entrada foi publicada en Riva d'Avia 2011, Sen clasificar. Garda a ligazón permanente.